Туркия Суперлигаси 8-туридан ўрин олган “Гёзтепе” ҳамда “Башакшеҳир” жамоалари ўртасидаги баҳс 5 октябрь, якшанба куни Измирдаги “Гюксел Аксел” стадионида бўлиб ўтди. Учрашувда мезбонлар 1:0 ҳисобида ғалаба қозонди.

Учрашувдаги ягона гол 1-бўлимнинг 43-дақиқасида Хуан Сантос томонидан киритилди. Мазкур натижадан кейин “Гёзтепе” 16 очко билан турнир жадвалининг 3-поғонасига кўтарилиб олган бўлса, 6 очкоси бор “Башакшеҳир” 13-ўринни банд этган.

Ўзбекистон терма жамоаси футболчилар Аббосбек Файзуллаев ҳамда Элдор Шомуродов учрашувда майдонга тушди. Элдор асосий таркибда ҳаракат қилган бўлса, Аббосбек 61-дақиқада Нуну Да Кошта билан алмаштирилди.

Туркия Суперлигаси, 8-тур
“Гёзтепе” — “Башакшеҳир” 1:0
Гол: 1:0 — Сантос (43);