"Челси" "Ноттингем Форест" ҳимоячиси Мурильо билан шартнома имзолашга қизиқиш билдирмоқда, деб хабар беради Daily Express.
Манбага кўра, 23 ёшли бразилияликнинг трансферига лондонликлар бош мураббийи Энцо Мареска жиддий қизиқиш билдирмоқда ва у ҳимоя чизиғини мустаҳкамламоқчи.
2025/26 йилги мавсумда Мурилло барча мусобақаларда 5 та ўйинда иштирок этган. Унинг шартномаси 2029 йилнинг 30 июнига қадар имзоланган.
Transfermarkt портали футболчининг трансфер қийматини 55 миллион еврога баҳолаган.













