Нидерландиялик 38 ёшли футболчи Элжеро Элия маҳаллий трассада йўл-транспорт ҳодисаси иштирокчисига айланди.

Футболчи Lamborghini русумли автомобилни бошқариб кетаётиб, яна иккита транспорт воситаси билан тўқнашиб кетган.

ЙТҲ оқибатида ҳайдовчи ва йўловчилардан ҳеч ким жабрланмаган - воқеа жойига зудлик билан ҳуқуқ-тартибот идоралари ходимлари етиб борган.

Элия полиция ҳамроҳлигида воқеа жойини тарк этди. ЙТҲ иштирокчиларидан бири терговдан сўнг қўлга олинди.

Элжеро Нидерландия терма жамоаси аъзоси сифатида танилган ва у 30 та ўйинда майдонга тушган (иккита гол ва тўртта голли узатма).

Клубдаги фаолияти давомида вингер қуйидаги жамоаларда ўйнаган: «Твенте», «Фейеноорд», «Утрехт», «АДО Ден Хааг», «Истанбул Башакшехир», «Гамбург», «Вердер», «Саутгемптон» ва «Ювентус». Ҳозирда Элия «Мадештейн» жамоасида ўйнамоқда.