Ёзда вингер Кингсли Коман "Ан-Наср"га кўчиб ўтди. Бироқ, футболчи Франция терма жамоаси сафига чақирилишда давом этмоқда. Команнинг сўзларига кўра, терма жамоа қайдномасидан ўрин олиш уни ажаблантирмайди.
- Дешам мени чақирганига ҳайрон бўлмадим. Саудия Арабистонига кўчиб ўтганимдан кейин ҳам тўхтатмадим. Саудия Арабистонида мени унутиб қўйишларидан қўрқаманми? Ҳаммаси аксинча: илтимос, мени унутинг. Менга эътибор камроқ бўлгани яхши," - дея Команнинг сўзларини келтиради L’Equipe.
Шу ойда Франция терма жамоаси Озарбайжон (10 октябрь) ва Исландияга (13 октябрь) қарши ўйинлар ўтказади. Сентябрь ойида "учранглилар" 2026 йилги жаҳон чемпионатига саралаш босқичи доирасида Украина (2:0) ва Исландияни (2:1) мағлуб этишганди.
