Томас Тухель "Олтин тўп" учун овоз беришда Харри Кейннинг эгаллаган ўрнидан норози бўлди.

Англия терма жамоаси бош мураббийидан "Бавария" форвардининг 13-ўринни эгаллаши ҳақида сўрашди. “Олтин тўп”ни “ПСЖ” ҳужумчиси Усмон Дембеле қўлга киритди.

"Эшитинг, "Олтин тўп" қачон бўлиб ўтганини ва ким қаерда тугатганини билмайман. Мен жамоавий спорт турларида индивидуал совринларни унчалик ёқтирмайман.

Харри ҳақиқий жамоавий ўйинчи; у ўз чиқишларида устунлик қилади. У, албатта, 13-ўриндан юқорироқ бўлиши керак эди" - деди англиялик мураббий.