Франция терма жамоаси ҳужумчиси Килиан Мбаппе жума оқшомида Озарбайжонга қарши ўйнаш истагини билдирди. Аввалроқ франциялик юлдуз футболчида кичик жароҳат бор эди.
"Мен ўйнашни хоҳлайман. Мураббий ҳам майдонга тушишимни хоҳлаяпти. Ўйлайманки, муаммо бўлмайди. Ўзимни яхши ҳис қиляпман, буни мураббий билан муҳокама қиляпмиз. Бугун мен машқ қиламан. Бу сўнгги текширув бўлади, аммо менда алоҳида хавотир йўқ", - деди Мбаппе матбуот анжуманида.
Франция - Озарбайжон учрашуви 10 октябрь куни Тошкент вақти билан 23:45да бошланади.
