УEФА таклифларга қарамай, Чемпионлар Лигаси форматини ўзгартирмайди.
Аввалроқ, Суперлига ташкилотчилари УEФАга Чемпионлар Лигасини ўзгартиришни таклиф қилгани маълум бўлганди: биринчи босқичдаги рейтингга қараб клубларни икки гуруҳга бўлиш ва ўйинларни бепул платформада намойиш этиш.
УEФА Суперлига ташкилотчиси А22 билан музокаралар олиб борилаётганини тасдиқлади, бироқ ўзгаришлар режалаштирилмаётганини қайд этди.
"УЕФА бош котиби Теодор Теодоридис А22 Sports Management ҳаммуассиси Анас Лаграри билан жамоат жойларида бир неча бор учрашгани ҳақидаги хабарларни тасдиқлашимиз мумкин.
Бу суҳбатлар расмий натижа бермади. Шуни қатъий маълум қиламизки, Европа Чемпионлар Лигаси форматини ўзгартириш бўйича ҳеч қандай режалар кўзда тутилмаган", - дейилади УEФА матбуот хизмати хабарида.
