Аргентина терма жамоаси бош мураббийи Лионель Скалони ярим ҳимоячи Родриго де Паулга ишонишда давом этмоқда.
Ўтган ёзда хавбек Мадриднинг "Атлетико" клубидан "Интер Майами"га ўтган эди. Кенг тарқалган фикрларга кўра, камроқ рақобатбардош лигага ўтиш жаҳон чемпионининг ўйинига салбий таъсир кўрсатиши мумкин, аммо "альбиселесте" мураббийи бу гапларга эътибор бермаяпти.
"ОАВда де Пауль ҳақида нима дейишаётгани мени қизиқтирмайди. Мен фақат у бизга бера оладиган нарсаларга эътибор қаратаман ва айнан шунинг учун у бу ерда. Мен Родригони жуда яхши биламан - унинг фойдаси тегишига ишончим комил. Қолган барча нарсаларга келсак, ҳар ким ўз фикрига эга бўлиш ҳуқуқига эга," - дея Скалонининг сўзларини келтиради Inter Miami News Hub.
