Argentina terma jamoasi bosh murabbiyi Lionel Skaloni yarim himoyachi Rodrigo de Paulga ishonishda davom etmoqda.
O‘tgan yozda xavbek Madridning "Atletiko" klubidan "Inter Mayami"ga o‘tgan edi. Keng tarqalgan fikrlarga ko‘ra, kamroq raqobatbardosh ligaga o‘tish jahon chempionining o‘yiniga salbiy ta’sir ko‘rsatishi mumkin, ammo "albiseleste" murabbiyi bu gaplarga e’tibor bermayapti.
"OAVda de Paul haqida nima deyishayotgani meni qiziqtirmaydi. Men faqat u bizga bera oladigan narsalarga e’tibor qarataman va aynan shuning uchun u bu yerda. Men Rodrigoni juda yaxshi bilaman - uning foydasi tegishiga ishonchim komil. Qolgan barcha narsalarga kelsak, har kim o‘z fikriga ega bo‘lish huquqiga ega," - deya Skalonining so‘zlarini keltiradi Inter Miami News Hub.
