"Барселона" ҳимояни кучайтиришга бел боғлаган.
Diario Sport хабарига кўра, "кўк-анорранглилар" спорт директори Деку чап оёқли марказий ҳимоячини ўз сафига қўшиб олишни мақсад қилган ва номзодлардан бири "Нант" вакили Тилел Тати экани айтилмоқда. 17 ёшли 190 сантиметр бўйга эга бўлган ҳимоячини кўплаб клублар, жумладан Испания чемпиони скаутлари кузатиб бормоқда.
Француз ҳозирги жамоасида мавсумни якунламоқчи, ёзда эса таклифларни эшитиши мумкин.
Шунингдек, "Барселона" Нико Шлоттербек ("Боруссия" Д) ва Гонсалу Инасиу ("Спортинг") трансферини ҳам кўриб чиқмоқда.
Қайд этилишича, каталонияликлар ҳимоячини ёзда сотиб олишни режалаштирмоқда, аммо зарурат туғилса, январь ойидаёқ буни амалга оширишга уриниб кўриши мумкин.
