"Барселона" вингери Рафинья Диас Ла Лига доирасидаги "Реал"га қарши муҳим ўйинни ўтказиб юбориши мумкин.
Бразилиялик футболчи сентябрь ойи охирида сафдан чиққан, шу сабабли "кўк-анорранглилар"нинг учта ўйини ва октябрь ойидаги терма жамоа йиғинини ўтказиб юборганди. RAC1 хабарига кўра, Рафиньяда баъзи асоратлар пайдо бўлган. 28 ёшли футболчи ҳамон бўлажак "эл-класико"га қадар тикланишга умид қилмоқда, аммо унинг принципиал учрашувда иштирок этиш эҳтимоли ҳозирча юқори баҳоланмаяпти.
"Барселона" сафарда "Реал"га қарши ўйинни 26 октябрь куни ўтказади. Унга қадар Ханс-Дитер Флик жамоаси "Жирона" (18.10) ва Грециянинг "Олимпиакос" (21.10) жамоалари билан куч синашади.
