Мадриднинг "Реал" клуби собиқ бош мураббийи Фабио Капелло чоршанба куни Чемпионлар лигаси доирасида "Ювентус"га қарши кечган ўйинни сарҳисоб қилди.
Учрашувнинг 57-дақиқасида Жуд Беллингемнинг голи эвазига "қаймоқранглилар" кичик ҳисобда ғалаба қозонди.
"Агар психологик таркиб ҳақида гапирадиган бўлсак, бу "Ювентус"га фойда келтирадиган, жамоа энг кучли рақиблар билан кураша олишини тушунишга имкон берадиган муносиб мағлубиятдир. Бу вазият бурилиш нуқтаси бўлиши мумкин - кейинги уч ўйинда ғалаба қозониш учун барча имкониятлар бор," - дея "Ювентус" ва "Реал"да ишлашга улгурган Капеллонинг сўзларини келтиради Sky Sport.
Эслатиб ўтамиз, Игор Тудор жамоаси барча мусобақаларда кетма-кет еттита ўйинда ғалаба қозона олмаяпти.
