"Рома" ҳужумчиси Пауло Дибала Европа Лигаси доирасида Чехиянинг "Виктория" клубига қарши ўйинда фаолиятидаги 200-голини урди.

Аргентиналик футболчи учрашувнинг 54-дақиқасида пенальтидан унумли фойдаланди, аммо жамоасини кутилмаган ўз майдонидаги мағлубиятдан (1:2) қутқариб қололмади. Умумий ҳисобда 31 ёшли футболчининг ҳисобида 200 та гол бор. Клублар миқёсида ҳужумчи 545 та ўйинда 196 марта, Аргентина терма жамоасида эса 40 та баҳсда тўрт марта гол урган.

Пауло Дибала 2022 йилнинг ёзида "Рома"га ўтган, бунгача у "Ювентус", "Палермо" ва "Институто" шарафини ҳимоя қилган. Футболчининг римликлар билан амалдаги шартномаси жорий мавсум якунлангач ўз ниҳоясига етади.