Германиялик собиқ футболчи Дитмар Хаманн ҳамюрти Флориан Вирцнинг Англиянинг "Ливерпуль" клубидаги ўйини ҳақида гапирди.
"Менимча, Вирцни муваффақиятсизлик кутмаяпти. У жуда яхши футболчи. У Леверкузеннинг "Байер" клубини Бундеслигада ғалабага етаклади. Аммо катта трансфер суммаси туфайли унинг елкасида катта юк бор. Умид қиламизки, "Айнтрахт"га қарши ўйин унинг учун бурилиш нуқтаси бўлади," - дея Дитмарнинг сўзларини келтиради Talksport.
Чемпионлар лигаси доирасидаги "Айнтрахт"га қарши ўйинда Вирц иккита голли пас берди. "Ливерпуль" йирик 5:1 ҳисобидаги ғалабани тантана қилди.
