"Ювентус" бош мураббийи Игор Тудор "Лацио"дан учралган мағлубиятдан (0:1) сўнг интервью берди.

"Кекса синьора" қаторасига учинчи ўйинда ютқазди. Ғалабасиз серия саккизта ўйинга етди.

"Оғир палла, лекин ҳамжиҳат бўлиб ишлашимиз керак. Тайёргарлик тўғри бўлди, лекин яна нимадир етишмади. Рақиб жарима майдонига етиб боряпмиз, аммо гол ура олмаяпмиз. Ўйинларни ютқазишга сабаб бўлувчи хатоларга йўл қўйишда давом этяпмиз.

Мен ўзим ҳақимда ўйламайман. Мен қўлимдан келганини қиламан, муаммоларни ҳал қилишга ҳаракат қиламан. Менинг келажагим ҳозир ҳеч қандай қизиқиш уйғотмаяпти," - деди Тудор.

"Ювентус" А Серия турнир жадвалида саккизинчи ўринда бормоқда.