«Барселона»нинг ёш юлдузи Ламин Ямал машҳур собиқ ҳимоячи Жерар Пике яшаган уйни сотиб олиш ниятида. Бу ҳақда Испаниянинг Sport.es нашри хабар берди.
Маълумотларга кўра, 18 ёшли футболчи уйни харид қилса, у ҳолда Рональд Араухо ва Алехандро Бальденинг қўшнисига айланади.
Эслатиб ўтамиз, ўтган ҳафта охирида бўлиб ўтган «эл-класико»да «Барселона» сафарда «Реал Мадрид»дан 1:2 ҳисобида мағлуб бўлди.
Жорий мавсумда Ламин Ямал Испания чемпионатида 6 та учрашувда майдонга тушиб, 2 та гол уриб ва 4 та голли узатма берди.
