Испания чемпионати 10-туридан ўрин олган ўйинда Мадриднинг "Атлетико" клуби сафарда Севильянинг "Бетис" клубини 2:0 ҳисобида енгди. Бу ҳақда "матрасчилар" устози Диего Симеоне ўз фикрларини билдириб ўтди.
"Ажойиб ўйин ўтказдик, биринчи бўлимда жуда яхши ҳаракат қилдик, 2:0 ҳисобида олдинга чиқиб олдик. Танаффусдан кейин биринчи бўлимдаги каби аниқ ҳаракатлар бўлмади, аммо ҳисобни сақлаб қолдик. Бу биз учун ва Ла Лига жадвалидаги ўрнимиз учун муҳим ғалаба," - деди бош мураббий матбуот анжуманида.
Ўн турдан сўнг мадридликлар 19 очко жамғариб, Испания чемпионати турнир жадвалида тўртинчи ўринда бормоқда.
