"Милан" бош мураббийи Массимилиано Аллегри "Аталанта"га қарши ўйин олдидан ўтказилган матбуот анжуманида чиқиш қилди. Тўққизинчи тур учрашуви 28 октябрь оқшомида бўлиб ўтади.
"Биз танаффусга [терма жамоалар ўйинларига] энг яхши формада етиб боришни, кейин эса декабрь ойини чемпионатда яхши позицияда якунлашни истаймиз. Биз илгари феноменал ҳаракат қилмаганмиз, лекин ҳозир ҳам заиф эмасмиз. Гапириш эмас, ҳаракат қилиш керак", - дея устознинг сўзларини келтиради жамоа расмий сайти.
"Аталанта"нинг жисмоний ва техник сифатлари жуда яхши. Бергамода ўйнаш ҳар доим қийин. Биз кучли тўртликка кириш учун курашаётган жамоага қарши майдонга тушамиз", - дея қайд этди Аллегри.
Ўтказилган 8 ўйин натижасига кўра, "Милан" 17 очко жамғариб, А Серия турнир жадвалида учинчи ўринда бормоқда.
