Испаниянинг "Эспаньол" клуби бугун, 28 октябрь куни 125 ёшга тўлди.

Opta статистик портали хабарига кўра, "тўтиқушлар" Ла Лига тарихий жадвалидаги еттинчи клуб ҳисобланади. Ҳаммаси бўлиб улар Примерада 89 мавсум ўтказдилар.

Шунингдек, "Эспаньол" Элита дивизиони (1013) даражасида мингта ғалабага эришган еттита испан жамоасидан биридир.

"Тўтиқушлар"нинг максимал ютуғи бронза медаллари бўлган. Бу мавқега жамоа тўрт марта эришган: 1932-33, 1966-67, 1972-73, 1986-87 йиллар.

Шунингдек, "Эспаньол" тўрт марта Испания кубогини қўлга киритган: 1928-29, 1940, 1999-2000, 2005-06 йиллар.

Европада Каталония клуби совринларни қўлга киритмади, аммо икки марта УЕФА кубоги финалида ўйнади: 1987-88, 2006-07 йиллар.