"Бавария" ғалабали сериясини узайтириб, рекорд ўрнатди. Мюнхенликлар чоршанба куни Германия кубоги доирасида сафарда "Кёлн"ни тор-мор этишди (4:1).
Венсан Компани жамоаси учун бу мавсум бошидан бери 14 ўйиндаги 14-ғалаба бўлиб, Европанинг кучли бешлик чемпионатлари вакиллари орасида барча даврлар учун рекорддир.
Аввалги рекордчи 1992-йилги "Милан" бўлган, у кампанияни 13 та ғалаба билан бошлаган. 1 ноябрь, шанба куни "Бавария"нинг навбатдаги учрашуви бўлиб ўтади. Унга Леверкузеннинг "Баер" клуби рақиблик қилади.
Бундеслигада Мюнхен гранди 8 турдан кейин 24 очко ва 30:4 ҳисобидаги тўплар нисбати билан биринчи ўринда бормоқда.
