"Манчестер Юнайтед" бош мураббийи Рубен Аморим ҳимоячи Люк Шоунинг Англия терма жамоасига қайтиши мумкинлиги ҳақида фикр билдирди.
30 ёшли футболчи жорий мавсумда жароҳатларсиз ўйнамоқда - у "қизил иблислар"нинг Премьер-лигадаги барча 9 ўйинида асосий таркибда майдонга тушди.
"Менимча, Шоу Англия терма жамоасига чақирилишга лойиқ, аммо бошқа кўплаб футболчилар ҳақида ҳам шундай дейиш мумкин. Мен Люкнинг терма жамоада ўйнашини истайман, шу билан бирга у клуб ихтиёрида қолиб, тикланиб, бўлажак ўйинларимизга хотиржам тайёрлана олса, хурсанд бўламан," - дея Аморимнинг сўзларини келтиради UtdDistrict.
Англия терма жамоаси ЖЧ-2026 саралаш босқичи доирасида Сербия (13.11) ва Албания (16.11) терма жамоаларига қарши майдонга тушади.
