"Наполи" бош мураббийи лавозимида ишлаб келаётган Антонио Конте марказий ҳужумчи Ромелу Лукакунинг тикланиш муддати ҳақидаги саволга жавоб берди.
"Қачон қайтишини билмайман, шифокорлардан сўраш керак. У бу жиддий жароҳатни енгишга ҳаракат қилмоқда. Унинг борлиги у учун ҳам, биз учун ҳам доимо фойдали. У биз билан эканидан хурсандмиз," - дея мутахассиснинг сўзларини келтиради Dazn.
Эслатиб ўтамиз, бельгиялик ҳужумчи август ойи ўрталарида сонидан жароҳат олган эди. Лукаку декабрь ойида сафга қайтиши кутилмоқда.
