"Ювентус" Лучано Спаллетти бош мураббий этиб тайинланганидан кейинги дастлабки ўйинда "Кремонезе" меҳмони бўлди (2:1). Ушбу ўйиндан сўнг туринликлар ҳужумчиси Душан Влахович ўз фикрларини билдирди.
2 ва 68-дақиқаларда Филип Костич ва Андреа Камбьясо томонидан киритилган голлар туринликларга 3 очко келтирди. Мезбонлар сафида 83-дақиқада Жейми Варди ўз ҳисобига гол ёздириб қўйди.
"Иккинчи бўлимда бизда нотўғри муносабат бўлди, деб айтмаган бўлардим - гап кўпроқ нотўғри ҳаракатларда. Ҳеч қандай сабабсиз жуда чуқур мудофаага ўтиб кетдик. Ғалаба қозониш жуда муҳим эди. Тактикага келсак, буни мураббий ҳал қилади - мен ҳамма нарсага тайёрман", - дея Влаховичнинг сўзларини келтиради Италия ОАВ.
Лучано Спаллетти клубда аввалроқ ишдан бўшатилган Игор Тудорнинг ўрнини эгаллади.
