«Ливерпуль» бош мураббийи Арне Слот Чемпионлар лигасидаги яқинлашиб келаётган «Реал»га қарши ўйиндан нимани кутмаётгани ҳақида гапирди.
Шанба куни мерсисайдликлар Премьер-лигадаги муваффақиятсиз серияни тўхтатиб, «Астон Вилла»ни 2:0 ҳисобида мағлуб этди. Энди эса сешанба куни улар ўз майдонида «Реал»ни қабул қилади.
«Чемпионлар лигаси учрашувлари ҳар доим ўзига хос бўлади, аммо “Реал”га қарши ўйинлар — янада ўзгача. Биз жуда жиддий синов олдида турибмиз, аммо бу ўйинни сабрсизлик билан кутяпмиз», — деди Слот «Астон Вилла» устидан қозонилган ғалабадан кейинги интервьюсида.
«Ливерпуль» ва «Реал» ўртасидаги баҳс Тошкент вақти билан соат 01:00 да бошланади.
