Мадриднинг «Реал» клуби бош мураббийи Хаби Алонсо ҳужумчи Килиан Мбаппенинг самарадорлиги ҳақида ўз фикрларини билдирди.
Франциялик футболчи шанба куни бўлиб ўтган «Валенсия»га қарши учрашувда дубль қайд этди. Ушбу баҳс «қаймоқранглилар»нинг 4:0 ҳисобидаги йирик ғалабаси билан якунланди. Йилнинг жорий қисмида юлдуз ҳужумчи барча мусобақаларда 14 ўйинда 18 та гол уришга муваффақ бўлди.
«Мбаппе бу мавсумда 70 та гол ура оладими? Аниқ рақамни билмайман, лекин у жуда кўп гол уради — бу аниқ», — деб Хаби Алонсонинг сўзларини Madrid Universal нашри келтирган.
4 ноябрь, сешанба куни «Реал» Чемпионлар лигаси доирасида сафарда «Ливерпуль»га қарши ўйин ўтказади.
