«Барселона» Испания чемпионатининг 11-туридан ўрин олган учрашувда ўз майдонида «Эльче»ни 3:1 ҳисобида мағлуб этди.

Ҳисоб 9-дақиқада мезбонлар ҳужумчиси Ламин Ямал томонидан очилди. Ортидан 11-дақиқада Ферран Торрес орадаги фарқни ошириб, «кўк-анорранглилар» устунлигини мустаҳкамлади. Биринчи бўлимнинг сўнгги дақиқаларида «Эльче» сафида Рафаэль Мир бир гол уриб ҳисобни қисқартирди, аммо 61-дақиқада Маркус Рэшфорд каталонияликларнинг учинчи голини урди.

Ярим ҳимоячи Фермин Лопес бу баҳсда икки бор голли узатма бериб, жамоа ғалабасига катта ҳисса қўшди.

11-турдан сўнг «Барселона» 25 очко билан Испания чемпионати жадвалида иккинчи ўринни эгаллаб турибди. «Эльче» эса 14 очко билан тўққизинчи поғонада жойлашган.

Ла Лига. 11-тур
2 ноябрь, якшанба, 22:30
Барселона - Эльче - 3:1
Голлар: Ямал, 9 (1:0). Торрес, 11 (2:0). Мир, 42 (2:1). Рэшфорд, 61 (3:1)
Барселона: Шесни, Бальде (Мартин, 74), Гарсия, Араухо, Кунде, Фермин Лопес (Ольмо, 66), Касадо, де Йонг, Рэшфорд (Левандовски, 74), Торрес (Фернандес, 88), Ямал (Барджи, 88)
Эльче: Пенья, Нуньес, Бигас (Форт, 70), Аффенгрюбер, Педроса (Дональд, 82), Агуадо, Мир, Фебас, Нето (Мендоса, 46), Валера (Сантьяго, 70), Андре Силва (Родригес, 74)
Огоҳлантиришлар: Нето, 35