"Челси" Чемпионлар Лигаси умумий босқич 4-туридан ўрин олган "Қорабоғ"га қарши баҳсда дуранг қайд этди - 2:2.
Учрашувнинг 16-дақиқасида ҳисобни инглиз жамоаси форварди Эстевао очди. Шундан сўнг мезбонлар Леандро Андраде ва пенальтини аниқ амалга оширган Марко Янковичнинг саъй-ҳаракатлари билан кетма-кет иккита гол уришди. 53-дақиқада Алехандро Гарначо яна ҳисобни тенглаштирди.
"Челси" очколарини 7 тага етказиб, мусобақа жадвалида 10-ўринни эгаллаб турибди. Худди шунча балл тўплаган "Қорабоғ" 12-поғонадан жой олган.
"Челси" Чемпионлар лигасидаги навбатдаги ўйинини 25 ноябрь куни ўз майдонида "Барселона"га қарши ўтказади. Озарбайжон жамоаси шу куни "Наполи" меҳмони бўлади.
