«Манчестер Сити» бош мураббийи Хосеп Гвардиола «шаҳарликлар» ҳужумчиси Эрлинг Холанднинг Чемпионлар лигаси умумий босқичининг 4-турида Дортмунднинг «Боруссия» жамоасига қарши ўйинда (4:1) қайд этган ютуғи ҳақида фикр билдирди.

«Эрлинг Холанд Чемпионлар лигасида уч хил клуб сафида кетма-кет бешта ўйинда гол уришга муваффақ бўлди.

Ҳар сафар матбуот анжуманига чиқсам, у яна бир янги рекорд ўрнатган бўлади. Мен ундан хурсандман — у бунга муносиб. Уни кучли муҳит ўраб турса, унга ҳаракат қилиш осонроқ бўлади. Топ-клубларда ишончли жамоадошлар ҳар бир футболчининг имкониятларини оширади», — деди Гвардиола УЕФА расмий сайтига берган интервьюсида.

Холанд 2022 йилдан бери «Манчестер Сити» шарафини ҳимоя қилиб келмоқда. Ҳужумчининг клуб билан амалдаги шартномаси 2034 йилгача мўлжалланган. Жорий мавсумда у барча мусобақаларда 18 та ўйинда иштирок этди, 21 та гол урди ва 2 та голли узатма амалга оширди.