"Аякс" бош мураббийи Жон Хейтинга лавозимидан озод этилди, дея хабар бермоқда клуб сайти.
Мураббийнинг 2027 йилнинг 30 июнига қадар мўлжалланган шартномаси бекор қилинди. Шунингдек, бош мураббий ёрдамчиси Марсель Кейзер ҳам ишдан бўшатилди.
Фред Грим "Аякс" бош мураббийи вазифасини бажарувчи этиб тайинланди.
Хейтинга 2025 йилнинг июлидан бери "Аякс"ни бошқариб келмоқда. Жамоа 11 ўйинда 20 очко тўплаган ва Нидерландия чемпионатида тўртинчи ўринни эгаллаб турибди.













