"Бавария" спорт директори Кристоф Фройнд марказий ҳимоячи Дайот Упамеканонинг "Реал"га ўтиши мумкинлиги ҳақидаги хабарларга изоҳ берди.
Мюнхен гиганти ҳали француз футболчисини келаси ёзда тугайдиган шартномасини узайтиришга кўндира олмади.
Сўнгги ОАВ хабарларига кўра, футболчи аллақачон "Реал"га қўшилишга оғзаки розилик берган. "Биз Упамекано билан янги шартнома бўйича музокаралар олиб бормоқдамиз. У "Бавария"да ўзини жуда қулай ҳис қилмоқда.
Бошқа клублар ҳам унга қизиқиш билдириши мумкин, аммо бизнинг мақсадимиз унинг қолишини таъминлаш учун ҳамма нарсани қилиш", - деди Фройнд.
