Мадриднинг “Реал” клуби дарвозабони Тибо Куртуа жароҳат туфайли тахминан икки ҳафта майдондан четда қолади. Бу ҳақда клубнинг расмий сайти хабар берди.
Тиббий текширувлар натижасида бельгиялик посбонда чап оёқдаги ички сон (аддуктор) мушагининг жароҳати аниқланган.
Журналист Мельчор Руиснинг маълумот беришича, Куртуа тўлиқ тикланиши учун тахминан 15 кун вақт талаб этилади.
Шу сабабли у Бельгия терма жамоасининг Қозоғистон ва Лихтенштейнга қарши баҳсларини ўтказиб юборади.
Дарвозабоннинг 23 ноябр куни “Эльче”га қарши Ла Лига учрашувига тайёр бўлиши кутилмоқда.
