"Бавария" мавсум бошида ҳужумчи Николас Жексонни "Челси"дан ижарага олган эди. Сенегаллик футболчи асосий таркибда доимий ўринга эга эмас, аммо мюнхенликлар миш-мишларга қарамай, ижара муддатини олдиндан бекор қилмоқчи эмас, деб ёзади Bild. Бироқ, немис гранди ҳужумчини сотиб олишни режалаштирмаяпти.

Битимга 65 млн евро эвазига сотиб олиш мажбурияти киритилган бўлиб, агар ўйинчи асосий таркибда 40 марта майдонга тушса, кучга киради. Ҳозирча 24 ёшли футболчи асосий таркибда атиги бешта ўйинда майдонга тушди, яна етти вазиятда Венсан Компани уни захирадан майдонга туширди. Жексоннинг ҳисобида "Бавария" сафида учта гол ва битта голли узатма бор.