Мадриднинг "Реал" клуби ярим ҳимоячиси Эдуардо Камавинга Франция терма жамоаси қароргоҳида жароҳат олди.
23 ёшли футболчи "учранглилар" машғулотини ўтказиб юборди. Журналист Фабрис Хокинс хабарига кўра, хавбек тизза ости пайидан жароҳат олган, шу сабабли у Украинага қарши ЖЧ-2026 саралашида майдонга туша олмайди. Дидье Дешам йўқотиш ўрнини тўлдириш учун аллақачон "Ювентус"дан Кефрен Тюрамни жамоа сафига чақирган.
Франция ва Украина терма жамоалари ўртасидаги учрашув пайшанба куни бўлиб ўтади. Уч кундан сўнг французлар Озарбайжонга қарши майдонга тушади.
Камавинганинг кетиш муддати ҳақида ҳозирча аниқ маълумот йўқ.
