Мудофаа марказини мустаҳкамлашни режалаштираётган "Реал"нинг асосий мақсадлари Дайо Упамекано ва Ибраима Конате бўлиб турибди.
Cadena SER хабарига кўра, "Бавария" ҳимоячиси кучлироқ номзод сифатида кўрилмоқда, аммо "Ливерпуль" футболчиси билан келишиш осонроқ бўлиши мумкин.
Муаммо Упамеканонинг агенти Мусса Сиссоконинг талабларида. У шунчаки бошқа клубларнинг таклифлари орқали "Бавария"га босим ўтказиб, Дайога яхшироқ маош олиб бермоқчи, деган хавотирлар бор.
Қайд этилишича, "Реал" президенти Флорентино Перес вазиятни диққат билан кузатиб бормоқда.
