"Барселона" ярим ҳимоячиси Педри "Олтин тўп" ҳақида фикр юритди. 22 ёшли футболчи бу йилги соврин учун асосий даъвогарлардан бири сифатида эътироф этилган бўлса-да, овоз бериш натижаларига кўра атиги 11-ўринни эгаллади.
"Овоз бериш натижалари шундай, мен буни қабул қиламан. Келгуси йил юқорироқ ўринни эгаллашга ҳаракат қиламан. Албатта, "Олтин тўп"ни қўлга киритишни истардим. Буни барча ўйинчилар орзу қилади, бунинг аксини даъво қилган одам эса шунчаки ёлғон гапиради. Қийин бўлади, лекин нима бўлишини ҳеч ким билмайди," - дея испаниялик ОАВ юлдуз хавбекнинг интервьюсидан иқтибос келтирмоқда.
Эслатиб ўтамиз, "ПСЖ"нинг франциялик ҳужумчиси Усмон Дембеле "Олтин тўп-2025" соҳибига айланди.
