Бельгиялик ҳужумчи Ромелу Лукакунинг жароҳатидан тикланиши кутилганидан яхшироқ кетмоқда. Антонио Конте у декабрь ойининг иккинчи ярмида, айни Италия Суперкубогида иштирок этиш учун керак бўладиган вақтда майдонга қайтиши мумкинлигини кутганди.

Аммо Неаполь клуби лазаретидан олинган сўнгги хабарларга кўра, бу бироз тезроқ - декабрь ойининг биринчи кунларида содир бўлиши мумкин. Бу сўнгги пайтларда "Наполи" дуч келаётган муаммолар фонида айни муддао бўлади.

Эслатиб ўтамиз, Лукаку мавсум бошланишидан олдин "Олимпиакос"га қарши ўртоқлик ўйинида жароҳат олган эди.