"Барселона" раҳбарияти ҳужумчи Роберт Левандовскининг келажаги борасида якуний қарорга келган йўқ.
Ҳужумчининг амалдаги шартномаси жорий мавсум якунлангач ўз ниҳоясига етади ва каталонияликлар ҳозирча польшалик билан шартномани узайтириш бўйича музокара бошлашга иккиланмоқда, деб ёзади Marca. "Кўк-анорранглилар" босслари 37 ёшли фахрийнинг кампания давомида қандай даражага чиқишини кутишни афзал кўришади. Вазиятни бошқа клублар вакиллари ҳам кузатиб бормоқда.
Роберт Левандовски Ханс-Дитер Флик жамоаси сафида жорий мавсумда 12 та ўйинда 7 та гол урди. Футболчига яқинда "Милан", "Фенербахче" ва Саудия Арабистони клублари қизиқиш билдираётган эди.
