Лондоннинг "Арсенал" клуби "Фейеноорд"нинг 24 ёшли ярим ҳимоячиси Квинтен Тимберни ўз сафига қўшиб олиш ҳақида ўйламоқда. Нидерландия терма жамоаси футболчиси инглиз клуби учун потенциал трансфер мақсадига айланиши мумкин. Бу ҳақда Caught Offside хабар бермоқда.
Жорий мавсум якунлангач, Квинтен Тимбер эркин агент мақомини олиши мумкин, чунки унинг Роттердам клуби билан амалдаги шартномаси июнь ойи охирида якунланади.
Манбага кўра, Лондон клубида хавбекни таклиф қилиш имконияти кўриб чиқилмоқда. Эътиборли жиҳатлардан бири шундаки, "канонирлар" сафида аллақачон Квинтеннинг эгизак акаси Юрриэн Тимбер тўп тепмоқда.
Жорий мавсумда футболчи "Фейеноорд" сафида 14 та ўйинда майдонга тушди ва 2 та гол ҳамда 1 та голли узатмага муаллифлик қилди. Transfermarkt портали мутахассислари Нидерландия терма жамоаси футболчисининг бозор нархини 30 млн еврога баҳоламоқда.
