Ямайка терма жамоаси бош мураббийи Стив Макларен жамоани тарк этиш қарорини эълон қилди, деб хабар беради The Athletic.
Макларен Ямайкани Жаҳон чемпионатига олиб чиқа олмади. Унинг жамоаси гуруҳдаги сўнгги ўйинида Кюрасао билан 0:0 ҳисобида дуранг ўйнади ва энди 2026 йил март ойида бўлиб ўтадиган қитъалараро плей-офф босқичида йўлини давом эттиради.
64 ёшли мураббий илгари "Твенте", Англия терма жамоаси ва "Мидлсбро"да ишлаган, шунингдек, "Манчестер Юнайтед"да Алекс Фергюсоннинг ёрдамчиси бўлиб ишлаган. Макларен охирги лавозимини 2024 йилдан бери эгаллаб келган эди.
Ямайка охирги марта Жаҳон чемпионатида 1998 йилда ўйнаган.













