Мадриднинг "Реал" клуби дарвозабони Тибо Куртуа "Барселона" вингери Ламин Ямал билан зиддият ҳақида гапирди.
Бельгиялик футболчи октябрь ойида бўлиб ўтган "эл-класико"да финал ҳуштаги янграганидан сўнг 18 ёшли юлдуз билан тортишиб қолганди. Эслатиб ўтамиз, ўша учрашув "қаймоқранглилар"нинг ғалабаси билан якунланганди (2:1).
"Бу "эл-класико," адреналин даражаси жуда юқори эди. Баъзан кейинчалик ортиқча деб ҳисоблаган гапларни гапиришимиз мумкин. Мен Ямал билан Карвахаль ўртасидаги жанжални кўрган эдим, аралашмай иложим йўқ эди. Аммо буларнинг барчаси майдонда қолди - ўйлайманки, Ламин билан ҳеч қандай муаммо йўқ. Агар эртага уни ресторанда кўрсам - саломлашаман," - дея Куртуанинг сўзларини келтиради испан ОАВ.
"Реал" Ла Лиганинг 12-туридан кейин "Барселона"ни 3 очкога ортда қолдирмоқда.
