Каталониянинг "Барселона" клуби марказий ҳужумчиси Роберт Левандовски фаолиятини Туркия чемпионатининг топ-клубида давом эттириш вариантига эга. Бу ҳақда Fotomac журналистлари хабар бермоқда.

Манбага кўра, юлдуз тўпурарни Истанбулнинг "Фенербахче" клуби ўз сафига қўшиб олмоқчи. Клуб босслари футболчининг агенти билан музокара ўтказиб, бир йиллик меҳнат шартномасини имзолашга тайёр эканликларини билдиришди. Левандовски таклиф қилинган шартлардан қониқмади. Польшалик 2,5 йиллик шартномага эга бўлмоқчи.

Робертнинг "Барселона" билан амалдаги келишуви муддати келаси йилнинг ёзида тугайди.