"Барселона" ҳимоячиси Эрик Гарсия Чемпионлар Лигаси доирасидаги "Челси"га қарши ўйиндаги мағлубият (0:3) сабаблари ҳақида гапирди.

- Жуда оғир оқшом. Ўйинни яхши бошладик, иккита вазият яратдик, аммо кейин стандартдан гол ўтказиб юбордик. Менимча, "Челси" босимимизни жуда осонлик билан енгиб ўтди - биз муаммони ҳал қилиш учун майдондаги жойлашувни қандай ўзгартиришни билмасдик. Рақиб ҳар сафар бўш ўйинчи топди, биз эса беҳуда югурдик.

"Челси" дуэллар ва иккинчи тўпларда жуда яхши ўйнади - биз бу жиҳатларда рақобатбардошроқ бўлишимиз керак. Агар яккакурашларда доим ютқазсанг, ўйинда ғалаба қозониш деярли имконсиз," - дея Эрик Гарсиянинг сўзларини келтиради Barca Universal.