"Barselona" himoyachisi Erik Garsiya Chempionlar Ligasi doirasidagi "Chelsi"ga qarshi o‘yindagi mag‘lubiyat (0:3) sabablari haqida gapirdi.
- Juda og‘ir oqshom. O‘yinni yaxshi boshladik, ikkita vaziyat yaratdik, ammo keyin standartdan gol o‘tkazib yubordik. Menimcha, "Chelsi" bosimimizni juda osonlik bilan yengib o‘tdi - biz muammoni hal qilish uchun maydondagi joylashuvni qanday o‘zgartirishni bilmasdik. Raqib har safar bo‘sh o‘yinchi topdi, biz esa behuda yugurdik.
"Chelsi" duellar va ikkinchi to‘plarda juda yaxshi o‘ynadi - biz bu jihatlarda raqobatbardoshroq bo‘lishimiz kerak. Agar yakkakurashlarda doim yutqazsang, o‘yinda g‘alaba qozonish deyarli imkonsiz," - deya Erik Garsiyaning so‘zlarini keltiradi Barca Universal.
