"Манчестер Сити" ярим ҳимоячиси Тижани Рейндерс Леверкузеннинг "Байер" клубига қарши ўйиндаги мағлубият (0:2) ҳақида нима деб ўйлаши ҳақида гапирди.
"Шаҳарликлар" Чемпионлар Лигаси умумий (ёки гуруҳ) босқичининг уй учрашувида сўнгги етти йил ичида илк бор мағлуб бўлди. Учрашувнинг 23 ва 54-дақиқаларида Алехандро Гримальдо ҳамда Патрик Шик ўз ҳисобига гол ёздириб қўйди.
"Биз яхши ўйнамадик, гарчи кўплаб вазиятлар яратган бўлсак ҳам. Жамоамиз ўзини анча яхши кўрсата оларди. Албатта, "Байер" ҳам ёмон ўйнамади, аммо рақиб атиги иккита аниқ зарба йўллади - иккаласи ҳам голга айланди. Ўзимизга бўлган ишончни сақлаб қолишимиз ва "Лидс" билан бўлажак ўйинга энг яхши тарзда тайёргарлик кўришимиз керак," - дея Рейндерснинг сўзларини келтиради "Манчестер Сити" матбуот хизмати.
