Мадриднинг "Атлетико" клуби ярим ҳимоячиси Конор Галлахер бир неча ойдан буён "Манчестер Юнайтед"нинг мумкин бўлган трансферлари қаторидан жой олмоқда. Англиялик хавбек "матрасчилар"нинг бошланғич таркибидан муқим ўрин олмаган ва бу уни қишки трансферлар ойнасига ўтиш учун потенциал номзодга айлантиради.
Журналист Фабрицио Романонинг янгиланган маълумотларига кўра, Галлахер ҳали ҳам "қизил иблислар"нинг қизиқишлари доирасида, аммо клубнинг устувор мақсадлари қаторига кирмайди. "Атлетико" ижара вариантини кўриб чиқишга тайёр эмас, тўлақонли трансфер эса, катта эҳтимол билан, манкунианликлар режаларига тўғри келмайди.
Transfermarkt портали 25 ёшли ярим ҳимоячини 40 млн еврога баҳоламоқда. Галлахер мадридликлар сафида ўтган йилнинг августидан буён тўп тепиб келмоқда.
