Бразилия футбол конфедерацияси президенти Самир Хоуд терма жамоа бош мураббийи Карло Анчелотти билан янги меҳнат шартномаси имзоланиши мумкинлиги ҳақида фикр билдирди.

"Анчелотти ҳамма нарса иккала томонга ҳам боғлиқлигини айтди. Узоқ муддатли ҳамкорликни йўлга қўя олишимизга ишонаман. Бунинг учун барча шароитлар яратилган", - деди Самир журналистлар билан мулоқот чоғида.

Анчелотти ва Бразилия терма жамоаси ўртасидаги амалдаги шартнома 2026 йилги жаҳон чемпионати якунида ўз ниҳоясига етади. Томонлар ҳамкорликни 2030 йилгача узайтиришлари мумкин.