"Атланта Юнайтед" бош директори Гарт Лагервей саратон касаллиги туфайли келаси мавсумда ўз лавозимига қайтмайди. Бу ҳақда ESPN нашри хабар бермоқда.
Манбага кўра, 52 ёшли Лагервейга июль ойида саратон ташхиси қўйилган, шундан сўнг клуб унинг таътилга чиқаётганини эълон қилган. Гарт маълум вақтдан сўнг жамоага қайтди, аммо октябрь ойида фақат соғайишга эътибор қаратиш учун яна таътил олди.
Клуб вакилининг таъкидлашича, Лагервейга ўринбосар қидирилмоқда, агар ўринбосар топилса, у "Атланта" ва ўтган ойда ташкил этилиши эълон қилинган Миллий аёллар футбол лигаси жамоасини бошқаришни ўз ичига олган кенгайтирилган вазифаларни бажаради.













