Уругвайлик ҳимоячи Рональд Араухо "Барселона"дан кетиш учун янги даъвогарга айланди. Футболчининг агентлари аллақачон Каталония клуби базасига етиб келишган. Улар "кўк-анорранглилар" раҳбарияти билан учрашиб, Араухонинг кетишини муҳокама қилишни режалаштирмоқда. Бу ҳақда журналист Жули Кларамунт ўз ижтимоий тармоқларида маълум қилди.

Аввалроқ, "Барселона" устози Ханс-Дитер Флик Роналднинг шахсий муаммолари туфайли кейинги ўйинларда майдонга тушмаслигини айтганди. Уругвайлик раҳбариятдан танқидлар бўронидан кейин руҳий тикланиши учун дам беришни сўраган.