"Ливерпуль" бош мураббийи Арне Слот Англия Премьер-лигасининг 14-туридан ўрин олган "Сандерленд"га қарши ўйин олдидан жамоасининг жароҳат олган футболчилари ҳолати ҳақида гапирди.
"Кеча Конор Бредли биринчи марта жамоавий машғулотда қатнашди. Ҳали ҳаммаси 100% эмас, озгина ҳаракат қилишимизга тўғри келди, шунинг учун жуда катта умид боғламанг. Аммо яхши томони шундаки, у аллақачон умумий гуруҳ билан маълум машғулотларни ўтказади. Кейинги ҳафтада Жереми Фримпонгдан ҳам худди шуни кутамиз, шунинг учун улар иккиси ҳам қайтади, аммо афсуски, биз кўп ўйинлар ўтказамиз... шунинг учун Жереми, агар у кейинги ҳафтада биз билан машғулот ўтказса, яна учта ўйинни ўтказиб юборади", - дея Слотнинг сўзларини келтиради клуб расмий сайти.
Англия чемпионатининг 13 ўйинидан сўнг "Ливерпуль" 21 очко билан турнир жадвалида саккизинчи ўринда бормоқда. "Сандерленд" эса олтинчи поғонадан жой олган. Жамоа ҳисобида 22 очко бор.
