Globe Soccer Awards талқинига кўра, 2025 йилнинг энг яхши футбол мураббийи соврини учун якуний номзодлар номи маълум бўлди. Якуний рўйхатга олти нафар мутахассис киритилди.

Унга кўра, Хаби Алонсо ("Реал"), Микель Артета ("Арсенал"), Луис Энрике ("ПСЖ"), Ханс-Дитер Флик ("Барселона"), Энсо Мареска ("Челси") ва Арне Слот ("Ливерпуль") соврин учун кураш олиб боради.

Globe Soccer Awards - ҳар йили ўтказиладиган тақдирлаш маросими бўлиб, унда футбол муҳитида энг катта ютуқларга эришган одамлар аниқланади.

Ўтган йили "Реал"ни бошқарган Карло Анчелотти GSA талқини бўйича дунёнинг энг яхши мураббийи деб топилганди. Ҳозирда у Бразилия терма жамоасига устозлик қилмоқда.